Dachaigh > Sgoilearan > FAQs

Cùrsaichean Àrd-sgoile

Feumaidh luchd-teagaisg àrd-sgoile deagh bhun-stèidh a bhith aca anns a’ chuspair (no cuspairean) a tha iad airson a bhith a’ teagasg.  Ma tha thu airson a bhith a’ teagasg san àrd-sgoil bu chòir ceum a bhith agad anns a’ phrìomh chuspair a tha thu gu bhith a’ teagasg agus na cuspairean a barrachd a’ leughadh san oilthigh airson co-dhiù dà bhliadhna.

Tha sin a’ ciallachadh ma ’s e ’s gu bheil thu airson Gàidhlig agus Cruinn-eòlas a theagasg, bidh agad ris an dà  chuspair a dhèanamh san oilthigh – co-dhiù aon gu ìre ceum agus co-dhiù dà bhliadhna dhen chuspair eile.  Bhiodh agad an uairsin cùrsa for-cheum a dhèanamh ann am foghlam (PGDE).

’S e an roghainn eile an cùrsa MA Gàidhlig le Foghlam a dhèanamh.  Air a’ chùrsa seo bidh tu a’ dèanamh modailean Gàidhlig airson dà bhliadhna agus an uairsin dà bhliadhna de mhodailean foghlaim.

Ma ’s e ’s gu bheil thu airson cuspair eile a theagasg tron Ghàidhlig, m.e Cruinn-eòlas, Saidheans no Matamataig, bu chòir dhut an cuspair sin a dhèanamh san oilthigh.  Bhiodh e feumail, ged nach eil e riatanach, Gàidhlig a leughadh san oilthigh.

Thathas a’ tabhann cùrsaichean teagaisg àrd-sgoile aig:

Oilthigh Obar Dheathain
Oilthigh Shrath Chluaidh
Oilthigh na Gàidhealtachd ’s nan Eilean

Thèid ort air cuid de na cùrsaichean seo a dhèanamh aig astar no pàirt-ùine.

Airson tuilleadh fiosrachaidh faic Cùrsaichean Teagaisg.